Inson qadrini ulug‘lash yo‘lida keng ko‘lamli islohotlar amalga oshirilayotgan yurtimizda hech bir fuqaro e’tibordan chetda emas. So‘nggi yillarda, ayniqsa, mehribonlik uyi tarbiyalanuvchilari, ota-onasidan bolaligidan ayrilib qolganlarga alohida e’tibor, alohida g‘amxo‘rlik ko‘rsatilmoqda.

Zarafshon shahridagi ota-ona qaramog‘idan mahrum bo‘lgan Mankitbayeva Gulsana Muratbekovnaga barcha sharoitlarga ega zamonaviy uy-joy tantanali ravishda shahar hokimi Nazirbek Rahmanov tomonidan topshirildi.