Xususan, tumanning “Olmazor” mahallasini poliz ekinlarini yetishtirishga ixtisoslashtirish boʻyicha chora-tadbirlar rejalashtirilgan boʻlib, hududdagi 182 konturdan jami 12 gektar yer maydoni ochiq auksion orqali yutib olinib, mahallada yashovchi 12 nafar “Yoshlar daftari” ro’yxatida turuvchi yoshlar va ishsiz fuqarolarga 0,90 gektardan ajratib berilgan.

Hozirgi kunda ushbu dehqon xo’jaliklarida «Bir mahalla - bir mahsulot» tamoyili asosida qovun-tarvuz ekilib, parvarish qilinmoqda.

Bugun «Turonbank» aktsiyadorlik tijorat banki Boshqaruv raisi Chori Mirzayev tuman hokimi Umidjon Adizov hamrohligida ushbu mahallada bo’lib, yoshlar bilan uchrashdi. Ular bilan suhbatlashib, yerdan samarali foydalanish orqali yuqori daromad olish bo’yicha taklif va tavsiyalar berildi.