Navoiy viloyati hokimligi hamda Axborot va ommaviy kommunikatsiyalar agentligi hamkorligida oʻtkazilgan seminarda AOKA bosh mutaxassisi Doniyor Soliyev, viloyat, shahar va tuman hokimliklari Axborot xizmati rahbarlari ishtirok etdi.

Seminarda axborot platformalaridagi feyk xabarlarni yaxshiroq tanib olish va undan himoyalanish yoʻllari, jiddiy ijtimoiy-siyosiy maqsadlarni yoki moliyaviy manfaatni koʻzlab tarqatiladigan yolgʻon xabarlarni tarqatishdan maqsad, feyklarning qanday paydo boʻlishi, kishilar hayotiga ta'siri, faktcheking, feykni aniqlashga yordam beruvchi resurslar haqida axborotlar berildi.

Ishtirokchilar savollariga mutasaddilar tomonidan batafsil javob berildi.