• 2022
• 2021
• 2020

Мамлакатимизда мустақиллик йилларида спортни ривожлантиришга кенг эътибор қаратилди. Жумладан, халқимизнинг бебаҳо анъаналари, ноёб қадриятлари бўлган миллий спорт ўйинларига қизиқиш ошди. Улар замирида элимизга хос мардлик, жасурлик, ватанпарварлик, доноликни мужассам этгани билан ёш авлоднинг маънан ва жисман баркамоллигида муҳим ўрин тутади.

2009 йил 14 апрелда Ўзбекистон "Ўз­бек жанг санъати" Феде­рацияси­нинг Республика Адлия вазирлиги томо­ни­дан рўйхатга олиниши ана шу муҳитни яратиш йў­ли­даги қадамлардан би­ри бўлди.

Ушбу миллий спорт ту­ри вилоятимизда ҳам кенг оммалашиб бормоқ­да. Вилоят маданият ва спорт ишлари бошқар­ма­си­га қа­рашли 1-сон олим­пия за­хираларига ихти­сос­лаш­ган БЎСМ ва унинг туман­лардаги бў­лим­ла­ри­да 200 нафардан ортиқ 7 ёш­дан 16 ёшгача бўлган ўқув­чилар ўзбек жанг санъ­ати билан шу­ғулла­ниб, кўплаб ютуқ­лар­ни қўлга киритиб келишмоқ­да.

— Барчамизга маълум­ки, Хитой "у-шу", Корея "таэквон-до", Япония "ка­ратэ" каби жанг тур­ла­ри билан машҳур, — дей­ди биз билан суҳбат­да 1-сон олимпия захираларига ихтисослашган БЎСМ ди­рек­тори Нуриддин То­шев. — Ушбу давлат­лар­да мил­лий спорт турини ўрга­ниш мактаб дасту­ри­га кири­тилган. "Ўзбек жанг санъ­ати" ҳам ўзи­нинг узоқ та­рихига эга. Унда ку­раги ерга тег­ма­ган пол­­вонла­римиз, ўзи­нинг кучли стра­те­гия­си би­лан мағ­лу­бият нима­ли­гини бил­маган буюк со­ҳиб­қирон Амир Темур бо­бомиз ши­жоати, жасо­ра­ти акс эт­ган. "Ўз­бек жанг санъати" терма жа­моа­си аъзолари­нинг 2010 йил октябрда Ко­­рея­да ўтка­зилган Бу­тун­­жаҳон Якка курашлар фести­валида иштирок этиб, 42 давлат­ ичидан фахр­ли 1-ўринни эгал­лаш­ла­ри ҳам шун­дан. Қуво­нар­лиси, ёшла­ри­миз ора­си­да ушбу спорт тури билан шу­ғулла­наман де­ганлар са­фи ортиб бор­моқда. 

Яқинда Тошкент ви­ло­ятида бўлиб ўтган "Ўзбек жанг санъати" тури бў­йи­­чаЎзбекистон кубоги­да олимпия захирала­ри­га ихтисослашган БЎСМ ўқувчила­ри Ш. Ризаев, Э. Қўлдо­шев, М. Наси­мов, Ж. Хай­­­­руллаев, Х. Абду­ра­и­мов­лар муваф­фақият­ли қат­нашишди. Ёш спорт­чи­ларга Шера­ли Шодмо­нов, Тошназар Му­родов, Тўйбой Те­ми­ровлар мураббийлик қи­либ келишмоқда. 

— "Ўзбек жанг санъа­ти" билан шуғулла­наёт­га­нимга бир йилдан ош­ди, — дейди Ё. Исомид­ди­нов. — Мураббийим Фар­ҳод ака Муҳамма­ди­евдан миллий спорт ту­римиз­нинг барча сир-синоат­ларини ўрга­ниш­га ҳара­кат қилаяпман. Менга кўп­роқ "Қалқон" комплекс машқи ёқа­ди. Унда ҳи­моя билан зар­ба бир вақтда бажа­рила­ди. Келажакда жа­ҳон чем­пиони бўлиб, онажоним, устозларим ишончини оқлашни ният қилганман.

"Бизнинг юксалиб бо­раётган қудратимиз, са­лоҳиятимиз дунё спорт майдонида қўяётган, жа­ҳон жамоатчилигини ҳай­ратда қолдираётган қа­дам­ларимизда ҳам на­моён бўлмоқда", деган­ди Юртбошимиз. "Ўзбек жанг санъати" Феде­ра­ция­си аъзолари бўлган навоий­лик ёш спорт­чи­ларнинг бугунги ютуқ­ла­ри ўша да­дил, шахдам қа­дамлар­нинг давоми сифатида кун келиб дунё­ни лол қолди­ри­ши­га ишона­миз.

Зулфия БОБОЕВА.