Бугун: 23 Окт 2021 йил

вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ
Бош сахифа > Янгиликлар > РАСМИЙ МУНОСАБАТ

РАСМИЙ МУНОСАБАТ

20.04.2021 16:35:36


2021 йилнинг 27 март куни "YouTube" ижтимоий тармоғига Кармана туманида яшовчи ўзини мустақил журналист деб атаган фуқаро Дилдора Боймуродова "Муносабат" номли видеода "Шармандалик! Навоий вилоятидаги таълим тизимида мансаб талашувларда хотин-қизларга бўлган муносабат" мавзусида лавҳа жойлаштирган.

 

Ушбу видеода Ҳилола Элбоева (Навбаҳор туманидаги 1-сон мактабгача таълим ташкилотининг собиқ раҳбари) ва Шаҳло Қаландарова (Навбаҳор туманидаги 8-сон мактабгача таълим ташкилотининг собиқ раҳбари) томонидан ҳозирда вилоят ҳокимлиги ҳузуридаги Фуқароларнинг ўзини ўзи бошқариш органлари ходимлари малакасини ошириш бўйича ўқув курси директори лавозимида ишлаб келаётган Гулноз Аслонова мактабгача таълим бошқармаси бошлиғи лавозимида меҳнат фаолиятини амалга оширган даврида Х.Элбоевани ғайриқонуний равишда ишдан олганлиги, у вилоят ҳокимини "қўлга олганлиги ва уни номидан фойдаланиши" каби сўзларни, Ш.Қаландарова эса Г.Аслонова бошқарма бошлиғи лавозимидан бир қанча камомадлар аниқланганлиги сабабли четлаштирилганлиги, "аёл-халқни азоб бериб, шаънига, қадр-қимматига, қадрсизланишига сабабчи бўлган аёл" деган сўзлар баён этилган.

 

Шунингдек, ушбу видеода Дилдора Боймуродова ҳам қуйидаги "Гулноз Аслонова сизларга шу даражада босим ўтказган, қўли узун эканки. ҳуқуқ-тартиботчилар куч ишлатиб, шармандалик ҳолатига олиб борган, лекин зўравонлик қилган аёлни вилоят ҳокими яна мансаб билан сийлаб қўйибди, .. бу ўз ўзидан бўлмайди, ... вилоят ҳокимининг топшириғини аъло даражада бажариб қўйяпти, мана шундай қилиб зўравонлик ўтказаяпти хотин-қизларга, бу топшириқ тепадан бўлмаса сизларга бунчалик босим бўлмайди" асоссиз, уйдирма фикрлари ҳам келтирилган.

 

Навбаҳор туманидаги 1-сонли давлат мактабгача таълим ташкилоти собиқ директори Элбоева Хилола Ихтиёровнанинг меҳнат шартномаси қуйидаги асосларга кўра бекор қилинган.

Жумладан, Навоий вилояти Халқ таълими бошқармасининг 2017 йил 5 октябрдаги 436-КБ-сон буйруғига асосан Элбоева Хилола Ихтиёровна Навбаҳор туманидаги 1-сон мактабгача таълим муассасаси мудираси лавозимига тайинланган.

 

Навоий вилояти Мактабгача таълим бошқармасининг 2018 йил 16 март кунидаги 42-КБ-сонли буйруғига кўра Х.Элбоева билан тузилган меҳнат шартномаси Ўзбекистон Республикаси Меҳнат Кодексининг 100-моддаси 2-қисмининг 4-бандига асосан Иш берувчининг ташаббуси билан бекор қилинган. Х.Элбоеванинг Навоий вилоят Мактабгача таълим бошқармасига нисбатан ушбу буйруқни ғайриқонуний деб топиш, ишга тиклаш, мажбурий прогул вақти учун иш ҳақи, етказилган маънавий зарарни ундириш ҳақидаги даво аризаси 2018 йилнинг 22 май кунида фуқаролик ишлари бўйича Навоий вилоят судининг ҳал қилув қарорига кўра қаноатлантиришдан рад этилган.

Фуқаролик ишлари бўйича Навоий вилоят судининг 2020 йил 26 февраль кунидаги ҳал қилув қарорига асосан “Х.Элбоеванинг фуқаролик ишлари бўйича Навоий вилоят судининг 2018 йил 22 май куни қабул қилинган ҳал қилув қарорини янги очилган ҳолат бўйича қайта кўриб, бекор қилиш ҳақидаги” аризаси қаноатлантиришдан рад этилган.

 

Шу каби, Навбаҳор туманидаги 8-сонли давлат мактабгача таълим ташкилоти собиқ директори Қаландарова Шаҳло Абдухакимовнанинг меҳнат шартномаси қуйидаги асосларга кўра бекор қилинган.

 

Жумладан, Навоий вилояти халқ таълими бошқармасининг 2012 йил 4 апрелдаги 77-КБ-сон буйруғига асосан Қаландрова Шахло Абдухакимовна Навбаҳор туманидаги 8-сон мактабгача таълим муассасаси мудираси лавозимига вақтинча ўтказилган.

 

Жиноят ишлари бўйича Навбаҳор туман судининг 2020 йилнинг 11 ноябрдаги ҳукмига кўра Ш.Қаландарова Ўзбекистон Республикаси Жиноят Кодексининг 167-моддаси 2-қисми “г” бандига назарда тутилган жиноятни содир этганликда айбдор деб топилган ва 1 йил 6 ой муддатга ойлик иш ҳақининг ўн беш фоизи миқдорини давлат даромади ҳисобига ушлаб қолиш шарти билан ахлоқ тузатиш ишлари жазоси тайинланган. Қўшимча жазо сифатида суд Ўзбекистон Республикаси Жиноят Кодексининг 45-моддасини қўллаб, 1 (бир) йил мактабгача таълим тизимида мансабдорлик ва моддий жавобгарлик лавозимларида ишлаш ҳуқуқидан маҳрум қилинган.

 

Жиноят ишлари бўйича Навбаҳор туман судининг мазкур ҳукмининг ижросидан келиб чиқиб Навоий вилояти Ички ишлар бошқармаси Жазони ижро этиш бошқармаси ҳузуридаги пробация бўлими Навбаҳор тумани Ички ишлар органлари пробация гуруҳининг 2020 йил 12 декабрдаги вилоят Мактабгача таълим бошқармасига юборган 28/6768-сонли хатида 3 (уч) кун ичида Ш.Қаландарованинг эгаллаб турган лавозимидан озод этилганлиги тўғрисидаги буйруқ нусхасини тақдим этишни сўраган. Пробация бўлимининг ушбу хати ҳамда Ўзбекистон Республикаси Меҳнат Кодексининг 106-моддаси 3-бандига асосан Қаландарова Шаҳло Абдухакимовна билан тузилган меҳнат шартномаси вилоят мактабгача таълим бошқармасининг 2020 йил 15 декабрдаги 228-КБ-сонли буйруғи билан қонунчиликда белгиланган тартибда бекор қилинган.

 

Шунингдек, Дилдора Боймуродованинг юқорида қайд этилган "Шармандалик! Навоий вилоятидаги таълим тизимида мансаб талашувларда хотин-қизларга бўлган муносабат" мавзусидаги видеосида Г.Аслонованинг шаъни ва қадр-қимматини камситишга қаратиб айтилган гапларга қонуний баҳо бериш бўйича ҳуқуқни муҳофаза қилувчи органларга мурожаат қилинди.

 

 Вилоят ҳокимлиги ахборот хизмати

Кўрилганлар сони: 0 

Биз билан алоқа

(*) белгиси билан кўрсатилганлар киритилиши шарт.

Тасвирдаги ёзувни киритинг *


Система Orphus