07.05.2022 15:29:59
Инсон қадри - улуғ, хотира -муқаддас. Дарҳақиқат, бугун инсон қадри ҳар қачонгиданда қадр топган, ўтганларнинг хотираси эса муқаддас бўлган юртда яшаяпмиз.
Асли нуроталик Норбой бобо Казаков ҳам II-жаҳон урушининг суронли йилларини бошдан кечирган. 1942 йили ҳали ўсмирлик ёшига етиб етмасдан урушнинг оловли майдонига жўнатилган бобо 1947 йилгача турли фронтларда фидойилик билан хизмат қилди.
Бугун 98 ёшни қарши олган уруш ва меҳнат фахрийсига Давлатимиз раҳбарининг табригини топшириш мақсадида Олий Мажлис Қонунчилик палатаси депутати К.Тожиев, Ўзбекистон “Миллий тикланиш” ДП вилоят кенгаши раиси И.Ражабов, Навоий шаҳар ҳокими М.Базаров, шаҳар мудофаа бўлими раҳбарияти ва кенг жамоатчилик вакиллари бобонинг хонадонига ташриф буюрди.
Ҳозирда 76 нафар невара-чевараларнинг суюкли буваси бўлган нуроний отахон “Гулистон” маҳалласида истиқомат қилмоқда. Меҳмонлар билан дилдан суҳбат қилган отахон, уруш йилларининг оғир ва шафқатсиз даврларини эсга олар экан, бугунги кунларга шукрона келтирди.
Шунингдек, фахрийга “Янги Ўзбекистон” эсдалик статуэткаси, 15 млн сўм пул маблағлари ва бошқа совғалар тантанали равишда топширилди.
Ташриф давомида Президентимизнинг дастхати билан ёзилган табрикнома ўқиб эшиттирилди.
Ўз навбатида бобо барчани дуо қилиб, юртимиз тинч, осмонимиз мусаффо бўлишини тилади.
Кўрилганлар сони: 873
Жами мурожаатлар:884
Кўриб чиқилган:448 (51%)
Кўриб чиқилмоқда:436 (49%)
2017-2021 йилларда Ўзбекистон Республикасини ривожлантиришнинг бешта устувор йўналишлари бўйича ҳаракатлар стратегияси
Ўзбекистон Республикаси Қонун ҳужжатлари маълумотлари миллий базаси
Ўзбекистон Республикаси ҳукумат портали
Ўзбекистон Республикаси Президентининг матбуот хизмати
Ўзбекистон Республикаси Олий Мажлис қонунчилик палатаси
Ўзбекистон Республикаси Олий Мажлис Сенати
Ўзбекистон Республикаси Давлат Солиқ қўмитаси
Ўзбекистон Республикаси қишлоқ ва сув хўжалиги вазирлиги
ҳокимлик билан Боғланиш
Тел.: 0 (436) 229-6206
info@navoi.uz
Ўзбекистон Республикаси,
210100 Навоий шаҳар.,
Ислом Каримов кўчаси, 77а
2009-2023 © Навоий вилояти ҳокимлиги
Форум
Мобил версия
Тендер савдолари