Навоий вилояти ҳокимлиги

вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Бош сахифа > Янгиликлар > ДУНЁДА “ОМИКРОН”НИНГ ЯНГИ МУТАЦИЯСИ КЕНГ ТАРҚАЛМОҚДА. ХУЛОСА ЧИҚАРИШГА ЭСА ҲАЛИ ЭРТА

2023
2022
2021

ДУНЁДА “ОМИКРОН”НИНГ ЯНГИ МУТАЦИЯСИ КЕНГ ТАРҚАЛМОҚДА. ХУЛОСА ЧИҚАРИШГА ЭСА ҲАЛИ ЭРТА

01.02.2022 11:57:40

Жаҳон соғлиқни сақлаш ташкилотининг маълумотига кўра, шу кунгача дунёнинг 57 та мамлакатида “омикрон” штаммининг янги — ВА.2 мутацияси рўйхатга олинди.

Ушбу вариантни юқтирганлар сони ҳозир 27 минг нафардан зиёд. Касаллик, айниқса, Дания, Буюк Британия, Норвегия, Швеция, Италия, АҚШ, Ҳиндистон, Филиппин ва Жазоирда кенг тарқалмоқда.

Мутахассислар фикрича, ВА.2 деб номланган ушбу мутация “омикрон”нинг ҳозирги ВА.1 кўринишидан ҳам юқумлироқ. Масалан, айни пайтда Данияда рўйхатга олинаётган коронавирусга чалиниш ҳолатларининг 79 фоизини шу турдаги инфекция ташкил этяпти. Буюк Британияда бу кўрсаткич 6, Ҳиндистонда 5, Швеция ва Сингапурда эса 2 фоизга тенг.

Буюк Британия Соғлиқни сақлаш хавфсизлиги агентлиги BА.2ни “кузатув остидаги вариант” сифатида таснифлади. Ҳозиргача бу ерда 1072 нафар беморда ушбу вирус аниқланган. У аввалги мутацияга қараганда бирмунча тезроқ тарқалмоқда.

Мамлакат соғлиқни сақлаш вазири Сажид Жовиднинг айтишича, янги вариантнинг пайдо бўлиши ва тез суръатда тарқалаётгани эмланиш жараёни ўта муҳим эканлигини яна бир бор тасдиқлади.

“Мен барча юртдошларимизни ўзлари ва яқинлари саломатлигини ҳимоя қилишга ва кучайтирувчи дозада эмланишга чақираман” — деди вазир.

Олимлар, шунингдек, 27 декабрдан 11 январгача бўлган даврда ўтказган таҳлиллари натижасида Буюк Британияда беморлар ВА.2 мутациясини 13,4 фоиз ҳолларда оила аъзоларидан юқтирганини аниқлади. Бу кўрсаткич “омикрон”нинг доминант вариантига нисбатан 3,1 фоиз юқоридир.

Янги мутацияни ўрганиш ва тадқиқ қилиш ишлари тўлиқ якунланган йўқ. Шу боис ВА.2нинг хавфлилик даражаси ва асоратлари ҳақида аниқ хулосалар айтишга ҳали эрта.

Аммо ВА.2 тури фаол тарқалиши туфайли келажакда унинг доминант вариантга айланиш эҳтимоли юқори. Бу эса “омикрон” билан боғлиқ пандемия тўлқинининг давомийлигини ошириши мумкин.