Бугун: 23 Авг 2019 йил

вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ
Бош сахифа > Янгиликлар > Ўзбек автомобиллари миллий валютада


Ўзбекистон Республикаси Президентининг 2017 йил 26 майдаги "Женерал Моторс Ўзбекистон" АЖ ишлаб чиқараётган маҳсулотларга нархлар шаклланишини такомиллаштириш чора-тадбирлари тўғрисида"ги қарорига асосан GM Uzbekistan компанияси жорий йилнинг 1 июнидан ички бозорда енгил автомобилларнинг барча моделларини фақат миллий валютада сотишни бошлади. Мухбиримиз "Навоийавтотеххизмат" МЧЖ бошқаруви раиси Ш. Умаров билан шу мавзуда суҳбатлашди.

— Шерзоджон, келинг, суҳбатимизни ўз ав­томобилларимизни миллий ва­лю­тада сотиб олишнинг янги тартиб­лари­дан бош­ласак.

— Бугунги кунда вилоятимизда 3 та ав­то­диллер корхонаси фаолият кўрсат­моқ­да. Қарор ижросини таъминлаш мақ­са­дида тўловнинг янги тартиблари шакл­лан­ти­рилди. Эндиликда тўловлар нақд пул маб­лағларини банк кассаларига топ­шириш ор­қали, жисмоний шахсларга тижорат банк­лари томонидан автомо­бил­ни харид қилиш учун бериладиган ис­теъмол кредити ҳи­собидан, жисмоний шахсларнинг омонат ҳи­соб рақамла­ри­да­ги маблағларидан пул ўт­казиш орқали, пластик карточкаларидан тўловлар амал­га оширилиши мумкин.

Шунингдек, юридик шахслар учун улар­нинг банкдаги депозит ҳисоб рақам­ла­ри­дан пул ўтказиш орқали, тижорат банк­лари томонидан юридик шахслар ёки якка тар­тибдаги тадбиркорларга ав­то­мобиль харид қилиш учун берилган кредит ҳи­со­би­дан, ссуда ҳисоб рақам­лари­даги маб­лағлардан пул ўтказиш орқали амал­га оширилади.

Муҳим янгиликлардан бири, "Женерал Мо­торс Ўзбекистон" АЖ ишлаб чиқара­ёт­ган автомобилларни харид қилиш учун ти­жорат банклари томонидан кредит маб­лағ­лари ажратилмоқда. Бундай кре­дит маб­лағ­ларининг ажратишдан мақсад ав­вало, фуқароларга қулай шарт-ша­роит­­лар яра­тиш, маҳаллий автомо­бил­соз­лик саноа­тида ишлаб чиқариш қув­ватларини ошириш ва банк хизмат тур­лари­ни янада кенгай­ти­риш­дан иборат.

"Женерал Моторс Ўзбекистон" АЖ иш­лаб чиқараётган автомобиллардан со­тиб олиш учун ажратиладиган кредитлар қай­тариш муддатини узайтириш ҳуқу­қи­сиз 3 йилгача муддатга берилади. Бун­дай кре­дитлар тижорат банк филиал­ла­ри томони­дан тўловлилик, муддат­ли­лик, қайтаришлик, мақ­садлилик ва таъ­мин­ланганлик шартла­ри асосида фақат Ўз­бекистон Респуб­ли­каси фуқароларига мил­лий валютада бе­рилади.

— Барчани қизиқтираётган савол, ав­то­мо­билларни банк пластик карточка­лари орқали харид қилиш мумкинми, им­кони бўл­­са шу ҳақда батафсилроқ маъ­лу­мот берсангиз?

— Албатта мумкин, бу ҳақда юқорида ҳам таъкидлаб ўтдик. Ўзбекистон Рес­публикаси Фуқаролик кодексининг 773-моддасига асо­сан мижоз банкдаги ҳи­соб-варақда турган ўз пул маблағларини мус­тақил та­сарруф этиши белгилаб қў­йилган. Фуқа­ро­лар пластик карточка­ла­ри­­даги маблағ­лари­дан банк касса­лари­дан нақд пул олиш­лари ҳамда харид қи­линган товарлар, кўр­сатилган хизматлар учун ҳисоб-китобларни амалга ошириш­лари мумкин. Банк пластик карточка­лари орқали автомобилларни со­тишда ва сотиб олишда ҳеч қандай чек­ловлар йўқ. Фақат тижорат банкларида тў­ловлар амалга оширилаётганда банк плас­тик кар­точка эгаси ўзининг шахсини тас­диқ­­лов­­чи ҳужжатини тақдим этиши шарт.

Бундан ташқари, авто диллерлар то­мо­ни­дан автомобилларни сотишда фуқа­ро­ларга янада қулайликлар яратиш мақ­садида он-лайн режимда ишлайдиган нав­батларни жо­рий қилмоқда. Эндилик­да автомоби­лин­гизни қачон ва қайси кунда олишингиз ҳа­қидаги маълумот­лар­ни ижтимоий тармоқ­ларда кузатиб бо­риш имкониятлари яратилади.

Суҳбатдош И. БАХРОНОВ.

Манбаа: dustlikbayrogi.uz

Кўрилганлар сони: 2719 

Биз билан алоқа

(*) белгиси билан кўрсатилганлар киритилиши шарт.

Тасвирдаги ёзувни киритинг *


Система Orphus