Бугун: 13 Ноя 2019 йил

вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ
Бош сахифа > Янгиликлар > Тадбирлар самара бермоқда


Мамлакатимизда яшаётган ҳар бир фуқаронинг ҳуқуқ ва эркинликларини таъминлаш долзарб вазифалардан биридир. Бунинг учун барча шарт-шароитлар яратилган бўлиб, фуқаролар ҳуқуқларини ҳимоялашга қаратилган қонунлар, қарор ва фармонлар қабул қилинмоқдаки, бу ҳуқуқий-демократик жамият қуришда муҳим омил бўлмоқда.

Хусусан, Ўзбекистон Республикаси фуқаро­лигини тасдиқловчи асосий ҳужжат — фуқа­ролик паспорти билан барча фуқаролар таъ­минланган. Фуқаролик паспорти эгаси Ўзбе­кистон Республикаси фуқароси бўлиш билан бирга, у давлатимиз ҳимоясида эканлиги қонунан белгиланган. Бундан ташқари, Ўзбе­кистон Республикасининг паспортига давлати­мизнинг муқаддас рамзлари туширилганли­ги учун ҳам у бебаҳо бойлик саналади. Шуни унутмаслик керакки, ҳуқуқ бор жойда масъу­лият ва мажбурият ҳам бор. Паспорт эгаси уни сақлаш, муддатини ўтказиб юбормаслик, уни яроқсиз ҳолга келтирмаслик каби қоида ва тартибларига амал қилиши керак. Акс ҳол­да тегишли тартибда маъмурий жавобгарлик­ка тортилишига асос бўлади.

Мисол учун, жорий йилнинг ўтган уч ойида туманимиздаги 3855 та хонадон­да Ўзбекистон Республикаси фуқаролик паспортидан фой­даланишининг аҳволи юзасидан текшириш­лар ўтказилди. Аниқланган камчиликларнинг асосий қисми фуқароларнинг фуқаролик паспортига нисбатан эътиборсизлик ва ло­қайд­лик билан муносабатда бўлаётганлиги маълум бўлди. 304 та ҳолатда фуқаролик паспортидан ноқонуний фойда­ланиб келаётган ҳуқуқбузарлар аниқланди. Жумладан, 130 та ҳолатда пас­порт­нинг амал қилиш муддати ўтиб кетган, 7 та ҳолатда яшаш жойидан рўй­хатдан ўтма­ган, 28 та ҳолатда ўз вақтида пас­­портини олмаган, 78 та ҳолатда паспортини йўқотган, 23 та ҳолатда паспорти­ни яроқсиз ҳолатга келтирган, 35 та ҳолатда ҳақиқий бўл­маган паспорт билан яшаётган, 1 та ҳолатда Россия Федерацияси фуқароси, 3 та ҳолатда эса уму­ман фуқаролиги бўлмаган шахслар яшаётган­лиги аниқланди. Ҳуқуқ­бу­зарлар те­гишли тартибда маъмурий жавобгарликка тортилди.

Жиноятчини жазолагандан кўра, уни олдини олган маъқул. Негаки, туманимизда яшаётган ҳар бир фуқаро манфаатини ҳимоя қилиш бизнинг асосий вазифамиз ҳисобланади. Ҳуқуқ­бузарлик ҳолатлари юзасидан жаримага тортилган фуқаронинг оилавий даромадига моддий зарар етиши маълум. Қолаверса, кек­са ёшли отахону онахонлар, кўп болали, кам таъ­минланган оилалар қай аҳволга тушади? Шу­нинг учун  ҳар бир учрашув ва профилактик тад­бирларда, маҳаллалардаги йиғилишлар­да фуқаролик паспортларини ўз вақтида алмаш­тириш, яроқсиз ҳолга келтирмаслик, эъти­бор­сизлик оқибатида йўқотмаслик, ундан ғаразли мақсадларда фойдаланмаслик ҳақида тушунти­риш ишларини олиб бораяпмиз. Бу кутилгани­дан ҳам яхши самара бериб, ҳуқуқ­бузарлар сони кескин камайишига эришил­моқда.

Лазиз КАРИМОВ,

Кармана тумани ИИБ паспорт бўлинмаси бошлиғи, майор.
Манбаа: dustlikbayrogi.uz
Кўрилганлар сони: 3240 

Биз билан алоқа

(*) белгиси билан кўрсатилганлар киритилиши шарт.

Тасвирдаги ёзувни киритинг *


Система Orphus