Бугун: 19 Мар 2024 йил

вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ
Бош сахифа > Янгиликлар > Соғлом авлодга ғамхўрлик жамият тараққиёти кафолатидир


   Навоий шаҳридаги "Ёшлар маркази"да вилоят ҳокими Қ. Турсунов иштирокида келажак авлодни жисмоний соғлом ва баркамол этиб вояга етказиш, уларни жисмоний тарбия ҳамда спортга жалб этиш борасида вилоятда олиб борилаётган ишларнинг бугунги кундаги ҳолати муҳокамасига бағишланган учрашув ва йиғилиш бўлиб ўтди.

   Тадбир бошланишидан олдин марказ ҳовлисига 200 нафардан зиёд спортчи ва мураббийлар йи­ғилдилар. Бу ерда ёшлар фут­бол, теннис, бадминтон, бокс, таэквондо, каратэ, кикбоксинг ва кураш турлари бўйича кўргазма­ли чиқишлар қилдилар. Марказ фойесида эса ёш ихтирочилар­нинг лойиҳа ва ишланмалари на­мойиш этилди.

   Вилоят раҳбари ёшлар лойиҳа­лари билан танишиб, уларни қўл­лаб-қувватлаш мақсадида икки нафарига беш, 5 нафарига эса бир миллион сўмдан пул муко­фотлари сертификатларини топширди.

  — Бугунги кунда мактабгача таъ­лим муассасаларида чет тил­ларини ўргатишга эътибор ош­моқда, — дейди "Фарҳод" мада­ният саройининг болалар ижодиёти маркази мудири А. Турдиев. — Биз инглиз ти­лида гапирадиган робот ихтиро қилдик ва умид қиламизки, у болажон­лар­га ҳам дўст, ҳам ўр­гатувчи бў­лади. Марказимизга ихтиро­миз­ни рағбатлантириш учун 5 мил­лион сўм ажратилди. Келгусида бу йўлдаги ўз фаолия­ти­мизни янада ривожлантириш ниятида­миз.

— Кўргазмада уйда қушларни сақлашга мўлжалланган иннова­цион қафас билан иштирок эт­дим, — дейди Навоий шаҳ­ри­да­ги 4-умумтаълим мактаби­нинг 8-синф ўқувчиси С. Ҳайда­ров. — У тўлалигича автоматлаш­ти­рилган бўлиб, микроклиматни му­вофиқлаштириш, чиқинди­лар­ни тозалаш ҳамда сув ёки дон ту­гаса, белги бериш хусусиятига эга. Қафасни яратишда интернет тармоғида мавжуд бўлган очиқ ахборотлардан фойдаландим. Вилоятимиз раҳбари менга ло­йиҳамни яна бироз ривожлан­ти­риб, патент олишни маслаҳат берди. Шу мақсадда менга бир миллион сўм ажратилди. Кичик бир ҳаракатимнинг рағбатлан­ти­рилиши менга куч ва илҳом ба­ғиш­ламоқда.

Шундан сўнг Ўзбекистон ёшлар иттифоқи вилоят кенгаши та­шаб­буси билан ҳуқуқни муҳофаза қи­лувчи органлар ва ҳарбий хиз­мат­чилар ўртасида ўтказилган спорт ҳафталиги якунлари эълон қилинди. 14 та спорт тури бўйича 15 минг спортчи беллашган баҳс­ларда умумий жамоа ҳисобида давлат хавфсизлик хизмати ви­лоят бошқармаси биринчи, мил­лий гвардиянинг ҳарбий қисм­лари­дан бири иккинчи ва ниҳоят вилоят ички ишлар бошқармаси вакиллари учинчи ўринга лойиқ деб топилди. Fолибларга кубок, дип­лом ва қимматбаҳо совғалар топширилди.

Тадбирнинг иккинчи қисми ав­ва­лида йиғилганлар эътиборига таълим муассасаларида ўқув­чи­лар нима истеъмол қилаётгани, улар­нинг спорт билан шуғулла­ниш­­лари учун яратилган шароит­лар танқидий ўрганилган видео­лавҳа намойиш этилди. Унда мам­лакатимизда соғлом авлодни ка­молга етказиш йўлида изчил ис­лоҳотлар олиб борилаётган бир пайтда айрим мутасаддиларнинг бу масъулиятли ишга лоқайдлик билан ёндашаётганлиги ўз ак­си­ни топган.

Жумладан, Кармана туманидаги 14-умумтаълим мактабида ошхона, буфет ва муассаса ҳовлисида 5-6 тонналик сиғимга эга махсус идиш ўрнатилган бўлишига қара­май, тоза ичимлик суви йўқлиги танқид остига олинган. Шунинг­дек, тасвирда спорт залининг таъ­мирталаб аҳволда эканлиги ҳамда ечиниш-кийиниш хонасида жавон­лар йўқлиги, ҳатто оддий илгичлар етишмаслиги боис ўқувчилар ки­йим-кечаклари ва буюмларини пала-партиш жойлаштиришга маж­бур бўлишаётгани аён бўлди. Ёки Кармана саноат ва иқтисо­диёт касб-ҳунар коллежида ҳамда бир қатор мактабларда махсус ошхона мавжуд эмаслиги, спорт тўгараклари етарлича йўлга қў­йилмагани ойдинлашди.

Бу каби аҳвол Навбаҳор, Ха­тир­чи, Конимех, Қизилтепа туман­лари­даги коллежлар ва мактаб­ларда ҳам учраши, мутасаддилар томонидан ўқувчиларнинг тўғри ов­қатланиши ва спорт билан шу­ғулланиши масаласи ўз ҳолига таш­лаб қўйилгани кескин танқид қилинди.

Хусусан, вилоят ҳокими лавҳада на­мойиш этилган ҳолатларни тан­қидий таҳлил қилиб, ўз вазифа­си­га масъулиятсизлик, лоқайд­лик, келажак авлод тақдири ҳамда са­ломатлигига эътиборсизлик билан қараётган раҳбарларга қатъий чоралар кўриш лозим­ли­гини таъ­кидлади. Шундан сўнг ўрганилган мактаблар ва туман халқ таълими бўлимлари ҳамда бир қатор масъул­ларга юқорида қайд этилган муаммо ҳамда кам­чиликларни бар­тараф этишлари учун тегишли кўрсатмалар бе­рилди.

Шундан сўнг тадбир "Ҳоким ва ёшлар" учрашув билан давом этди. Унда турли йўналишларда республика ва халқаро танловлар ғолиблари бўлган ташаббускор, фаол йигит-қизлар спорт соҳа­сини ривожлантириш, ютуқлар кўламини кенгайтириш ҳамда янги инновацион лойиҳаларни қўллаб-қувватлаш борасида ўз­ларини қизиқтирган таклифлари би­лан иштирок этишди.

Жумладан, бадиий гимнастика бўйича халқаро тоифадаги спорт устаси Зарина Қурбонова ёшлар­нинг ушбу спорт тури билан шу­ғулланишлари учун вилоятда жа­ҳон стандартларига жавоб бера­диган алоҳида зал йўқлиги, На­воий шаҳридаги "Умид" қўрғо­нида 1,5 гектар ер ажратилган бўл­са-да, қурилиш ҳалигача бош­лан­магани айтиб, уни амалга оши­риш 2019 йилги инвестиция дас­турига киритилишида амалий ёрдам сўради ва масала ижобий ечим топди. Навоий шаҳридаги "Сузиш ҳавзаси"да спортчи­лар­нинг қуруқликда машғулот олиб боришлари учун шароит яра­тиш борасидаги мурожаат ҳам жойида ҳал этилди.

— Учрашув менда катта таас­сурот қолдирди, — дейди Индо­незияда бўлиб ўтган Параосиё ўйинларининг олтин медали соҳиби Э. Султонов. — Ёшларга бўлган эътибор ва рағбатдан руҳ­ландим. Айниқса, вилоятимиз ҳо­кимининг "Ҳар бир муаммонинг ечими бу ҳаракатда ва инсоннинг ўзига бўлган ишончидадир", деб айт­ган гаплари менга янада куч, ғайрат бағишлади. Бундай ғам­хўрлик барча тенгдошларимни янги ғалабалар сари бошлашига ишо­наман.

Тадбир сўнгида ёшларнинг так­лиф ва мурожаатлари бўйича му­тасадди раҳбарларга топшириқ­лар берилди.

Кўрилганлар сони: 4581 

Биз билан алоқа

(*) белгиси билан кўрсатилганлар киритилиши шарт.

Тасвирдаги ёзувни киритинг *


Система Orphus