Навоий вилояти ҳокимлиги

вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ
Бош сахифа > Янгиликлар > Кураш — мардлик, ҳалоллик тимсоли


Инсоннинг иродасини чиниқтириб, руҳан ва жисмонан бақувват, пухта қилиб тарбиялашда спортнинг ўрни катта. Мамлакатимизда ёш авлоднинг жисмоний салоҳиятини ошириш, уларни спортга жалб қилиш йўлида кенг кўламли чора-тадбирлар амалга оширилмоқда. Айниқса, уч минг йилдан зиёд тарихга эга, жаҳон спорти турларидан бири сифатида эътироф этилган миллий курашни янада оммалаштириш борасидаги саъй-ҳаракатлар таҳсинга лойиқдир.

   Азал­дан ўз­бек тўйлари, халқ са­йил­лари, бай­рамлар курашсиз ўтма­ган. Кураш эр йигитларнинг мард­лиги, ҳа­лоллиги, бағрикенглигининг чинакам тимсоли бўлган. Қизи бор хонадон­лар куёв тан­лашда бел оли­шиб, ғолиб бўлган­ларни қарин­дош­ликка лойиқ кўриш­ган. Минг йиллар­дан буён яшаб келаётган кураш бугун халқимизнинг миллий қадрияти, бой­лигига айланди. 1992 йилда Ўзбекистонда кураш федерацияси, 2001 йилда эса бел­боғли кураш фе­дерацияси тузилди. 1998 йили Тош­кентда 28 давлат (АҚШ, Голландия, Россия, Япония, Англия ва бошқа­лар) вакиллари Халқаро кураш ассо­циацияси муассислари бўлиш­ди ва шу муносабат билан бу ерда кураш бўйича йирик халқаро мусобақа ўтка­зилди.

   Ҳозирги кунда хорижий мам­лакат­ларда олти юз мингдан зиёд киши кураш билан шуғулланади. Қувонар­лиси, ундаги "ҳалол", "ёнбош", "чала", "дакки" сўзлари қоида бў­либ, ўзбек тилида янграйди. Халқи­мизга хос тантилик, адолатлилик яна бир карра дунё бўйлаб тилга оли­нади.

  Шу ўринда таъкидлаш жоизки, Ўзбекистон Республикаси Вазирлар Маҳкамасининг "Кураш" миллий спорт турини янада ривожлантириш ва оммалаштириш бўйича комплекс чора-тадбирлар тўғрисида"ги қаро­рига кўра, 2018-2020 йилларда Нукус шаҳри ва мамлакатимизнинг барча туман, шаҳарларида намунавий лойи­ҳалар асосида кураш миллий спорт тури марказлари ташкил этилади. Шунингдек, 2018 йил 6 сентябрь ку­раш миллий спорт тури куни сифа­ти­да кенг нишонланиб, турли мусо­бақа, семинарлар ўтказилиши бел­ги­ланган.

  — Бугунги кунда вилоятимизда ҳам мингдан ортиқ йигит-қиз кураш би­лан шуғулланиб келади, — дейди биз билан суҳбатда вилоят кураш федерацияси ижрочи директори Мамадали Норов. — Улар орасида Умид Эсонов, Бекзод Дўстқулов, Мафтуна Эсонова каби Осиё, жаҳон чемпионатлари ғолиблари бор. Йил­дан-йилга курашга қизиқувчи ёшлар сафи кўпайиб бормоқда.

  Юртимизда спортга бўлган эъти­борнинг яна бир намойиши сифати­да қайд этиш жоизки, 10-12 ноябрь кунлари Навоий шаҳрида кураш бўйича 1997-1998 йилларда туғилган ўсмирлар ўрта­сида Ўзбекистон Кубоги мусобақаси бўлиб ўтади. Унда уч юз нафардан зиёд ёш спортчилар 16 та вазн тоифа­сида гиламга тушади. "Сўғдиёна" ЖТСКда уч кун давом этадиган куч ва маҳорат мусобақаларига сизни ҳам таклиф қиламиз.

 

Кўрилганлар сони: 149 

Биз билан алоқа

(*) белгиси билан кўрсатилганлар киритилиши шарт.

Тасвирдаги ёзувни киритинг *


Система Orphus