Навоий вилояти ҳокимлиги

вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ
Бош сахифа > Янгиликлар > Ҳамкорлик — тараққиёт гарови


Яқинда Ўзбекистон ҳамда Европа тикланиш ва тараққиёт банки томонидан имзоланган ўзаро ҳамкорлик меморандуми юртимизда кичик ва ўрта бизнесни янада ривожлантиришда муҳим қадам саналади.

Марказий Осиёдаги энг йирик ин­вес­тор бўлган мазкур банк хусу­сий секторни ривожлантиришга доир бизнес-режалардан тортиб, қишлоқ хўжалиги инфратузилма­сини яхшилаш борасидаги лойиҳа­ларни молиялаштиради.

Куни кеча "Навоий" эркин иқтисо­дий зонасида Бухоро, Самарқанд ва Навоий вилояти тадбиркорлари иштирокида ЕТТБ ташаббуси билан ўтказилган амалий семинарда 300 нафарга яқин тадбиркор мазкур банкнинг фаолияти билан яқиндан танишиш имконига эга бўлди.

"ЕТТБ ва кичик бизнес субъектла­рининг ўзаро ҳамкорлиги" мавзуси­да ўтказилган тадбир ҳокимликлар, ҳудудий савдо-саноат палаталари кўмагида ташкиллаштирилди.

Тадбирда ЕТТБ Марказий Осиё ва Россия бўйича бошқаруви директо­ри Н. Ханженкова, шунингдек, ҳуду­дий лойиҳалар ижроси бўйича ди­рек­тор Н. Тейлор, Ўзбекистон Савдо-саноат палатаси раиси А. Икромов, Навоий вилоят ҳокими К. Турсунов иштирок этди.

— 65 та давлат ҳамда 2 та халқаро ташкилот муассислигидаги ушбу мо­лия­вий институтга Ўзбекистон 1993 йилдан буён аъзо саналади, — деб таъкидлаб ўтди ўз нутқида Н. Тейлор. — 2010 йилга қадар юр­тингиз­да ЕТТБнинг 54 та лойиҳаси амалга оширилди. Бугунги кунда Тошкентда банк офиси барпо этила­ёт­ган бўлиб, тез орада фаолияти йўл­га қўйилади. Банкимиз томони­дан асосий эътибор кичик ва ўрта биз­несни ривожлантиришга қарати­лади. Ҳозирда Ўзбекистонга 894 миллион евро инвестиция киритил­ган бўлиб, 8 миллион евро қиймати­га тенг амалдаги кредит портфели бошқаруви Тошкент ҳамда Лондонда амалга оширилади.

— Мен бир неча йиллардан буён ЕТТБ билан ҳамкорликда ишлаб ке­ламан, — дейди тадбир­кор Э. Тўқ­санов. — Тадбиркорлик фао­лиятим­ни илк маротаба савдо соҳа­сидан бошлаган бўлсам, бугун­ги кун­га келиб бир қатор қурилиш маҳсу­лотлари ишлаб чиқаришни ҳам йўлга қўйганмиз. Фаолияти­миз­ни кенгайти­ришда Европа тикланиш ва тараққиёт банкининг кредитлари асқотди. Ҳозирда хусусий корхона­миз­да 10 га яқин аҳоли иш билан банд. Яна қў­шимча маҳсулотлар ишлаб чиқариш устида иш олиб бораяпмиз.

Бир кун давом этган амалий се­минарда иштирокчилар гуруҳларга бўлиниб, уларнинг саволларига ЕТТБ мутахассислари батафсил жавоблар беришди.

Озод МУСТАФОЕВ.

С. АСЛОНОВ олган суратлар.

Манбаа: dustlikbayrogi.uz

Кўрилганлар сони: 253 

Биз билан алоқа

(*) белгиси билан кўрсатилганлар киритилиши шарт.

Тасвирдаги ёзувни киритинг *


Система Orphus