Кадрлар салоҳияти

Навоий вилоятида кадрлар билан ишлаш аҳволи ҳамда бу борада олдинда турган вазифалар тўғрисида

МАЪЛУМОТ

Кадрлар билан ишлаш, уларни салоҳиятини доимий равишда ошириб бориш масаласи вилоятимизда энг устувор ва долзарб вазифалардан бири ҳисобланади.

Бу борада вилоятимизда кадрларни танлаш, тарбиялаш, жой-жойига қўйиш ва босқичма-босқич лавозимларга ўстириб бориш, шунингдек, уларнинг амалдаги ва истиќболли захирасини яратиш борасида бир қатор ишлар амалга оширилди ҳамда олдинда турган муҳим вазифаларни амалга ошириш юзасидан чора-тадбирлар белгилаб олинган.

Вилоятда раҳбар кадрларнинг амалдаги ва истиқболли захирасини шакллантириш, уларни босқичма-босқич мўлжалланган лавозимларга тайёрлаб бориш, сиёсий, иқтисодий ва маънавий билим даражаларини ошириш мақсадида вилоят ҳокимининг 2013 йил 25 февралдаги қарорига асосан “МАҲОРАТ” ўқув маркази ташкил этилган.

Ушбу ўқув марказида ҳар йили ўқув-семинари ташкил этилиб, шаҳар ва туман ҳокимларининг ўринбосарларига захирага олинган кадрлар ўқитилиб борилади.

2017 йил 1 июнь ҳолатида Навоий вилояти маҳаллий давлат ҳокимияти тизимига кирувчи раҳбар лавозимлардан 100 таси Ўзбекистон Республикаси Президенти Девони номенклатурасига, 210 таси вилоят ҳокимлиги, 546 таси шаҳар ва туман ҳокимликлари номенклатурасига киритилган.

Бугунги кунда олдимизда турган энг асосий вазифа - кадрлар билан ишлаш борасида принципиалликни ошириш, замонавий талаблар асосида ишлаш, энг асосийси қайси даражадаги раҳбарлик лавозими бўлмасин ҳар бирига такомиллашган амалдаги ва истиқболдаги заҳирасини яратишдан иборат.