Қишлоқ хўжалиги

2017 йилнинг январь-мартида ишлаб чикарилган (кўрсатилган хизматлар) умумий ҳажми 306,3 млрд. сўмни ёки 2016 йилнинг шу даврига нисбатан 106,7 фоизни, шу жумладан, деҳқончилик ва чорвачилик, овчилик ва бу соҳаларда кўрсатилган хизматлар ҳажми 301,6 млрд. сўмни (106,7 фоиз), ўрмончилик хўжаликларида 1,2 млрд. сўмни (101,1 фоиз), балиқчилик хўжаликларида 3,5 млрд. сўмни (115,9 фоиз) ташкил қилди.

Қишлоқ хўжалиги маҳсулотлари ишлаб чиқариш ҳажмининг хўжаликлар тоифалари бўйича тақсимланиши қуйидагича ифодаланади:

умумий ҳажмга нисбатан фоиз ҳисобида

Деҳқончилик. 2017 йил январь-март ойларида барча тоифадаги хўжаликлар томонидан 2416 тонна сабзавот (ўтган йилнинг шу даврига нисбатан 11,1 фоизга кўп), мева ва резаворлар 109,0 тонна (16,0 фоизга кўп) етиштирилди.

Чорвачилик. 2017 йилнинг 1 апрель ҳолатига ўтган йилнинг шу даврига нисбатан йирик шохли қорамоллар 3,9 фоизга (жами 422,7 минг бошни ташкил қилди), шу жумладан сигирлар 1,3 фоизга (173,4 минг бош), паррандалар 9,4 фоизга (2,2 млн. бош) кўпайди, отлар эса 4,6 фоизга камайиб 15487 бошни, қўй ва эчкилар 1970,2 минг бошни  ташкил этди.

Деҳқон (аҳолининг шахсий ёрдамчи) хўжаликларида йирик шохли қорамолларнинг улуши 91,8фоизни, фермер хўжаликларида эса 5,7 фоизни, шу жумладан, сигирлар мос равишда 94,0 ва 5,0 фоизни, қўй ва эчкилар 54,5 ва 8,3 фоизни, отлар 57,7 ва 6,7 фоизни, паррандалар 66,2 ва 10,7 фоизни ташкил этди.

2017 йилнинг январь-мартда барча тоифадаги хўжаликларда тирик вазн ҳисобида 25,8 минг тонна гўшт (2016 йилнинг январь-мартга нисбатан 6,1 фоизга кўп), 75,0 минг тонна сут (6,6 фоизга кўп), 69,9 млн. дона тухум (6,2 фоизга кўп) ишлаб чиқарилди.

Барча ҳудудларда чорвачилик маҳсулотлари (гўшт, сут, тухум) ишлаб чиқаришнинг ўсиши асосан деҳқон ва фермер хўжаликлари ҳисобига бўлиб, гўшт ишлаб чиқариш умумий ҳажмида уларнинг улуши 85,3 фоизни, сут ишлаб чиқаришда 98,6 фоизни, тухум ишлаб чиқаришда 65,7 фоизни ташкил этди.

2017 йилнинг 1 апрель ҳолатига чорвачилик маҳсулотлари ишлаб чиқариш таркиби қуйидагича ифодаланади:

ишлаб чиқариш умумий ҳажмига нисбатан фоиз ҳисобида

Фермер хўжаликлари. 2017 йилнинг январь-мартида фермер хўжаликлари томонидан ишлаб чиқарилган қишлоқ хўжалиги маҳсулотлари ҳажми 13,4 млрд. сўмни ёки 2016 йилнинг тегишли даврига нисбатан 106,3 фоизни ташкил қилди. Қишлоқ хўжалиги маҳсулотлари умумий ҳажмида фермер хўжаликларининг улуши 4,5 фоизни ташкил этди.

2017 йилнинг 1 апрель ҳолатига фермер хўжаликларида 24,0 минг бош йирик шохли қорамол, шу жумладан 8,7 минг бош сигир, 164,4 минг бош қўй ва эчкилар, 1033 бош от, 238,3 минг бош паррандалар мавжуд.