Эълонлар ойнаси

НАВОИЙ ШАҲРИ ФУҚАРОЛАРИ ДИҚҚАТИГА!

Ўзбекистон Республикаси Президентининг 2019 йил 28 ноябрдаги “Ипотека кредити механизмларини такомиллаштиришга оид қўшимча чора-тадбирлар тўғрисида”ги ПФ-5886-сонли Фармони ҳамда Вазирлар Маҳкамасининг 2020 йил 25 мартдаги “Уй-жой сотиб олиш учун фуқароларга субсидия тўлаш тартиби тўғрисидаги низомни тасдиқлаш ҳақида”ги 182-сонли қарори қабул қилинган.

Шунга кўра кам таъминланган ва уй-жой шароитларини яхшилашга муҳтож бўлганларга ипотека кредити бўйича дастлабки бадал ва (ёки) фоизларнинг бир қисмини қоплаш учун Давлат бюджети маблағлари ҳисобидан субсидиялар тўланиши белгилаб қўйилган.

Юқоридагиларни инобатга олган ҳолда Навоий шаҳар фуқаролари томонидан белгиланган тартибда жорий йил 1 октябр кунига қадар Давлат хизматлари маркази ёки my.gov.uz портали орқали ҳудудий комиссияга ҳужжат тақдим этиши тавсия этилади.

Навоий шаҳар ҳокимлиги.