Бугун: 27 Май 2019 йил

вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Хаж ва Умра зиёратини ташкил этиш тартиби, фукароларнинг мурожаатлари кабул килинишини ташкил этилганлиги тўгрисидаги ахборотларни бериш

Навоий шаҳри фуқаролари диққатига

Ҳаж сафарига бориш учун рўйхатга олиш ва расмийлаштириштартиби ҳамда вазифалар

Ҳаж сафарига бориш учун навбат рўйхатига кириш бўйича фуқаролар доимий турар жойидаги маҳалла фуқаролар йиғинига мурожаат этиши лозим.

Маҳалла фуқаролар йиғинларига фуқароларни Ҳаж сафарига бориш истагида бўлган фуқароларни рўйхатга олишда қуйидаги вазифалар юклатилган:

- фуқаро Ҳаж сафарига бориш учун ариза билан маҳалла фуқаролар йиғинига мурожаат этиш ва унга 2 та (3,5 х 4,5 ҳажмда) фотосурат, паспорт нусхасини илова қилиш;

- маҳалла фуқаролар йиғини ҳузуридаги Ҳаж комиссияси фуқаро томонидан тақдим этилган ҳужжатларни ўрганиб чиқиш;

- йил давомида Ҳаж сафарига бориш бўйича мурожаат этган фуқароларни маҳалла фуқаролар йиғини томонидан тикилган, рақамланган, муҳрланган, имзоланган дафтарга тартиб асосида рўйхатга олиш, унда рўйхатга фақат Ўзбекистон Республикаси фуқароларини қайд этиш ҳамда доимий истиқомат қиладиган манзилига кўра олиш;

- маҳалла фуқаролар йиғини томонидан махсус тикилган, рақамланган, муҳрланган дафтардан кетма-кетликда туман Ҳаж жамоатчилик Кенгашига берилган квотага асосан тавсия қилиш.

Маҳалла фуқаролар йиғини ҳаж сафарига бориш учун тавсия этишда қуйидагиларни амалга оширади:

- белгиланган квотага ва махсус тикилган, рақамланган, муҳрланган дафтардаги навбатга риоя этиш;

- рўйхатга Ҳаж сафарига бормаган ҳамда 40 ёшдан ошган фуқароларни тавсия этиш;

- тавсия этилаётган фуқаронинг саломатлиги бўйича оилавий поликлиника ва тиббиёт муассасаларининг хулосаларини олиш;

- тавсия этишда маҳалла фуқаролар йиғинида аризачилар иштирокида муҳокама қилиш;

- аёлларни тавсия этишда маҳрам масаласига эътибор бериш; (Изоҳ: 46 ёшгача бўлган аёл киши учун маҳрам қоида тариқасида отаси, акаси, укаси, турмуш ўртоғи, ўғли бўлиши мумкин ҳамда Саудия Арибистони Подшоҳлигининг талабига асосан 46 ёшдан ошган аёлдан маҳрам талаб этилмайди).

- тавсия этилган фуқаронинг тегишли ҳужжатларини ўрнатилган тартибда расмийлаштириб, туман Ҳаж жамоатчилик Кенгашига тақдим этиш.

Туман Ҳаж жамоатчилик Кенгашининг вазифалари:

- маҳалла фуқаролар йиғинлари ҳузуридаги Ҳаж комиссияси ишини мувофиқлаштириш, услубий ёрдам бериш ва адолат мезонлари бузилмаслигини назорат қилиш;

- Навоий вилоят Ҳаж жамоатчилик Кенгаши томонидан берилган квотани маҳаллаларга тақсимлаш;

- маҳалла фуқаролар йиғини ҳузуридаги Ҳаж комиссияси томонидан белгиланган квотага асосан тавсия этилган фуқароларнинг ҳужжатларни олиш ва умумлаштириш;

- тавсия этилган фуқароларнинг ҳужжатларини кўриб чиқиш;

- Ҳаж сафарига бориш учун фуқаролар рўйхати ва уларнинг ҳужжатларини сўралган муддатда Навоий вилоят Ҳаж жамоатчилик Кенгашига тақдим этиш;

- фуқароларнинг Ҳаж сафарига бориш бўйича тавсия қилиш билан боғлиқ масаласига доир ариза, таклиф ва шикоятларини кўриб чиқиб, жавоб бериш.

Навоий шаҳар Ҳаж жамоатчилик Кенгашининг вазифалари:

- Туман Ҳаж жамоатчилик кенгашлари ишини мувофиқлаштириш, услубий ёрдам бериш ва адолат мезонлари бузилмаслигини назорат қилиш;

- Республика Ҳаж Жамоатчилик кенгаши томонидан Навоий вилоятига ажратилган квотадан келиб чиқиб, белгилаган йилда Ҳаж сафарига фуқароларни юбориш учун туманлар кесимида квота ишлаб чиқиш ҳамда тақдим этиш;

- белгиланган йил учун туман Ҳаж жамоатчилик Кенгашидан рўйхат ва ҳужжатларни олиш ҳамда уларни ўрнатилган тартибда белгиланган муддатда Республика Ҳаж жамоатчилик Кенгашига тақдим этиш;

- Ҳаж масаласига оид фуқароларнинг ёзма ва оғзаки мурожаатларини кўриб чиқиш;

- Ҳаж сафарига бориб келган фуқароларнинг ҳисобини юритиш ва мониторинг қилиш.

Тавсия этиш жараёнида қуйидаги тадбирларни амалга ошириш:

- навбатдаги фуқаролар билан Ҳаж сафарига бориши ва унга қўйиладиган талаблар бўйича суҳбат уюштириш;

- 46 ёшгача бўлган аёлларнинг маҳрами мавжудлигига эътибор қаратиш;

- фуқаронинг паспорти белгиланган талабга жавоб бериши, чиқиш визаси мавжудлиги ва муддатини кўриб чиқиш;

- фуқаро Саудия Арибистони Подшоҳлигига бориб келиш ва белгиланган амалларни бажариш учун саломатлиги тўғри келиши бўйича тиббий кўрикдан ўтказиш ва хулоса олиш;

- юқоридаги вазифалар бажарилгандан сўнг, фуқародан Ҳаж сафарига бориш учун белгиланган пул тўловини қабул қилиш; (Изоҳ: Тўловни ўрнатилган муддатда амалга оширмаган фуқаро рўйхатдан чиқарилади).

- Республика Ҳаж жамоатчилик Кенгашининг талаблари асосида Ҳаж сафарига бориш учун тўловни амалга оширган фуқароларнинг ҳужжатларини тайёрлаш ва тақдим этиш.

Навоий вилоятидаги Ҳаж сафари билан боғлиқ тайёргарлик ишлари Навоий вилояти,Навоий шаҳри, Ғалабашох кўчасидаги "Ҳазрат Алишер Навоий" номли жоме масжидида фаолият олиб борадиган ишчи гуруҳ томонидан белгиланган муддатларда амалга оширилади.

Ҳаж сафарига бориш юзасидан мурожаат этаётган фуқарога рўйхатга киритиш, тавсия этиш, тиббий кўрикдан ўтказиш ва Ҳаж билан боғлиқ бошқа масалалар учун бирон иш юклаш ёки маблағ талаб қилиш қатъиян ман этилади. Бундай ҳолатлар бўйича Навоий шаҳар ҳокимлигининг 0(436)2201020 телефон рақамига мурожаат этишингиз мумкин.

 

Туман (шаҳар) ҳокимлиги Электрон манзили
Навоий шаҳар navoi@nv.uz
Зарафшон шаҳар zarafshon@nv.uz
Кармана тумани karmana@nv.uz
Навбаҳор тумани navbahor@nv.uz
Конимех тумани konimex@nv.uz
Қизилтепа тумани qiziltepa@nv.uz
Нурота тумани nurota@nv.uz
Хатирчи тумани xatirchi@nv.uz
Учқудуқ тумани uchquduq@nv.uz
Томди тумани tomdi@nv.uz

 

Вилоят Ҳаж ва Умра жамоатчилик кенгашининг манзили:

Навоий шаҳри, Ғалабашох кўчаси, “Ҳазрат Алишер Навоий” жоме масжиди,

Ўзбекистон мусулмонлар идораси вилоят вакиллигида

Телефон: 0(436)2251747 

 

Ҳаж ва Умра зиёратига бориш истагидаги фуқароларнинг ариза тўлдириш тартиби

(НАЪМУНА)

 

 

 

 

 

 

 

 

 

 

 

 

 

 

 

 

 

 

 

 

 

 

 Аризалар наъмунасини кўчириб олиш:

 

 Ҳаж аризаси наъмунаси (Ҳажми: 40 kb) 

 Умра аризаси наъмунаси (Ҳажми: 40 kb) 

 

 Хаж ва Умра зиёратини ташкил этиш тартиби, фукароларнинг мурожаатлари кабул килинишини ташкил этилганлиги тўгрисидаги ахборотларни бериш РЕГЛАМЕНТИ (Формат: .pdf, Ҳажми: 104 kb)


Биз билан алоқа

(*) белгиси билан кўрсатилганлар киритилиши шарт.

Тасвирдаги ёзувни киритинг *


Система Orphus