Халқаро ташкилотлар билан алоқалар

2017 йилнинг январь-мартида ташқи савдо айланмаси 168,5 млн. АҚШ долларини, жумладан 83,0 млн. АҚШ долларини - экспорт операциялари, 85,5 млн. АҚШ долларини - импорт операциялари ташкил этди. Ташқи савдо айланмасининг салбий сальдоси -2,5 млн. АҚШ долларини ташкил қилди.

2017 йил январь-мартда вилоят ташқи савдо айланмасида МДҲ ва бошқа давлатларнинг улуши қуйидагича ифодаланади:

Ташқи савдо айланмасининг қитъалар бўйича таркиби:

умумий ҳажмга нисбатан фоиз ҳисобида

2017 йилнинг январь-мартида вилоят ташқи савдо айланмасида катта улушга эга бўлган давлатлар билан товар айланмаси:

Давлат номи Вилоят товар айланмасида улуши, фоиз ҳисобида 2016 йил январь-мартига нисбатан фоиз ҳисобида
1 Франция 22,1 163,4
2 Россия 19,5 94,0
3 Хитой 17,8 85,7
4 Литвия 5,7 749,8
5 Қозоғистон 3,6 259,4
6 Белоруссия 3,6 292,6
7 АҚШ 3,5 22,1
8 Германия 3,5 127,1
9 Эрон 2,5 47,2
10 Япония 2,2 36,0
11 Туркия 2,1 71,7
12 Корея 2,0 79,9
13 Грузия 1,6 101,8
14 Украина 1,1 41,8
15 Тожикистон 0,8 1484,8
16 Қирғизистон 0,7 433,9
17 Испания 0,7 189,6
18 Буюк Британия 0,6 222,8
19 Швеция 0,6 206,1
20 БАА 0,6 163,0
21 Въетнам 0,6 135,4

2017 йил январь-мартда МДҲ ва бошқа хориж давлатлари билан амалга оширилган ташқи савдо таркиби қуйидагича ифодаланади:

 

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *   

“Навоий” эркин иқтисодий зонаси тўғрисида

МАЪЛУМОТ

Ўзбекистон Республикаси Президентининг 2008 йил 2 декабрдаги “Навоий вилоятида эркин индустриал-иқтисодий зона ташкил этиш тўғрисида”ги ПФ-4059-сонли Фармонига асосан Навоий вилояти Кармана тумани ҳудудида Ўзбекистондаги биринчи эркин зона – “Навоий” эркин индустриал-иқтисодий зонаси (ЭИИЗ) ташкил этилди. “Навоий” ЭИЗ умумий майдони 564 га ни ташкил этади.

“Навоий” эркин иқтисодий зонаси фаолиятини янада ривожлантириш мақсадида Ўзбекистон Республикаси Президентининг 2016 йил 26 октябрда “Эркин иқтисодий зоналар фаолиятини фаоллаштириш ва кенгайтиришга доир қўшимча чора-тадбирлар тўғрисида”ги ПФ-4853-сонли Фармони қабул қилинди.

 “Навоий” ЭИЗда рўйхатдан ўтган хўжалик юритувчи субъектлар уларга киритилган тўғридан-тўғри инвестициялар ҳажми қуйидагича бўлган тақдирда (Ўзбекистон Республикаси Президентининг 2016 йил 26 октябрдаги “Эркин иқтисодий зоналар фаолиятини фаоллаштириш ва кенгайтиришга доир қўшимча чора-тадбирлар тўғрисида”ги ПФ-4853-сонли Фармони)  ер солиғи, мулк солиғи, даромад солиғи, ободончилик ва ижтимоий инфратузилмани ривожлантириш солиғи, ягона солиқ тўлови (кичик корхоналар учун), Республика йўл жамғармаси ва Таълим ва тиббиёт муассасаларини реконструкция қилиш, мукаммал таъмирлаш ва жиҳозлаш жамғармасига мажбурий тўловлардан озод этилган:

- 300 минг АҚШ долларидан 3 миллион АҚШ долларигача ҳажмдаги инвестициялар — 3 йил муддатга;

- 3 миллион АҚШ долларидан 5 миллион АҚШ долларигача ҳажмдаги инвестициялар — 5 йил муддатга;

- 5 миллион АҚШ долларидан 10 миллион АҚШ долларигача ҳажмдаги инвестициялар — 7 йил муддатга;

             - 10 миллион ва ундан кўп АҚШ доллари ҳажмидаги инвестициялар сўнгги 5 йилда амалдаги ставкалардан 50 фоиз кам ҳажмдаги даромад солиғи ва ягона солиқ тўлови ставкалари қўлланган ҳолда — 10 йил муддатга берилади.

 “Навоий” ЭИЗни ташкил қилиш концепцияси ва танланган устуворликлардан келиб чиққан ҳолда, қуйидаги тармоқлар ва йўналишлар бўйича корхоналарни жойлаштириш схемаси ишлаб чиқилган:

  1. Электротехника маҳсулотлари ва Телекоммуникация асбоб-ускуналариниишлаб чиқариш;
  2. Машинасозлик, ўлчагич асбоб-ускуналари ва бутловчи қисмларни ишлаб чиқариш;

  3. Дори-дармон маҳсулотлари ва тиббий жиҳозларни ишлаб чиқариш;

  4. Озиқ-овқат маҳсулотларини қайта ишлаш ва қадоқлаш;

  5. Пластик ва полимер буюмларни ишлаб чиқариш;

  6. Экспортбоп замонавий қурилиш материаллари;

  7. Тайёр тўқимачилик маҳсулотлари;
  8. Қишлоқ хўжалиги маҳсулотларини чуқур қайта ишлаш;
  9. Экологик хавфсиз кимё маҳсулотлари.

“Навоий” ЭИЗ ташкил этилгандан буён жами 122 млн. АҚШ доллари миқдорида инвестиция киритилган. Киритилган инвестициянинг 35%га яқини тўғридан-тўғри хорижий инвестициялар ҳисобланади.

Эркин иқтисодий зонадаги корхоналар томонидан жами 1000 турга яқин экспортбоп юқори технологик маҳсулотлар ишлаб чиқарилиб, 850 та ўрни яратилган. 2016 йилнинг 1 декабри ҳолатига жами 128,1 млрд. сўмлик маҳсулот ишлаб чиқарилган ва 13,3 млн. АҚШ долларлик маҳсулот экспорт қилинган. Экспорт ҳажми режага нисбатан 141%га бажарилган.

Шу билан бирга, Ўзбекистон Республикаси Президентининг 2016 йил 26 октябрдаги “Эркин иқтисодий зоналар фаолиятини фаоллаштириш ва кенгайтиришга доир қўшимча чора-тадбирлар тўғрисида”ги ПФ-4853-сонли Фармони қабул қилингандан сўнг инвесторлар қизиқиши янада ортди.  Жумладан, Хитойнинг “Hebei new Silk Road Import and Export Trade Co.,Ltd” компанияси томонидан 2016 йилнинг 5 декабрида юқори технологик қурилиш материаллари МДФ, ДСП, Фанера ишлаб чиқариш, эчки жунига ишлов бериш ва суяк елими, суяк мойи ва суяк кули ишлаб чиқариш лойиҳалари маъмурий кенгашга киритилди.

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

KOICA “Навоий” ЭИЗ атрофидаги майдонларни кўкаламзорлаштириш бўйича лойиҳани якунлади

Корея халқаро ҳамкорлик бўйича агентлиги (KOICA) 2016 йилнинг 13-14 декабрь кунлари “Навоий” ЭИЗга яқин майдонларни кўкаламзорлаштириш бўйича лойиҳа” якунланиши муносабати билан семинар ўтказди. Ушбу лойиҳа Навоий вилояти ҳокимияти билан ҳамкорликда амалга оширилди. 

Унинг доирасида ЭИЗ атрофидаги 140 гектар майдонда қум бўронлари ва шамоллардан ҳимоя қилувчи дарахтзор яратилди. 

Шунингдек, лойиҳа доирасида корейс-ўзбек дўстлик ўрмони (4,814м2) ҳам очилди. У Кармана туманига яқин ерда жойлашган.